الرئيسية | موقع الشاعر زهير الدجيلي | وين دمك ضاع ؟

وين دمك ضاع ؟

2009/12/13 قصيدة زهير الدجيلي
حجم الخط: Decrease font Enlarge font
image الشهيد كامل شياع

مرور عام على استشهاده

وين دمّك ضاع ياكامل شياع ؟

 ومنهو ينطينا الجواب .. والوطن راح ابمتاهات الضياع ؟

والسؤال اللّي يظل ماله جواب ..

 أيصير جمرة بالكًلب تجوي كلساع

 وين دمك ضاع ياكامل شياع ؟

 ابياظليمة ؟..أ بياحريمة ؟ أبياجريمة من جرائم هالوطن البيها ضاع ؟

 أبيا سراب ؟ ابياخراب ؟

ابيانزيزة موت ماخلتّك حتى اتكًول فد كلمة وداع ؟!

 وين دمك ضاع ياكامل شياع ؟

أبيا جهة ؟ وبيا مقبرة بأرض العراق ؟

 الصار بيها ابنادم ابرخص التراب ..

 والجثث ترست الكًاع ؟

 أنباع ؟ ..

 منهو اللي اشترى دم الشهيد ابمية دولار وقتل ؟

 ومنهو اللّي باع ؟

وين دمّك ضاع ياكامل شياع ؟

 وين دمك يارفيقي اللّي رحت للوطن في مركب أمل مابيه شراع ؟

 لنته تقدر على طوفان الكذب

 ولنته سباّح وألك صولات في بحر الخداع !

كنت تتصور الجنة تنزرع ..

 في صحاري الموت مابين الذيابة والضباع

 وكنت تتصور بان الوطن يمكن يزدهر

 في ارض كل يوم بيها ينزرع موت الجياع

 وانته تعرف ليش هذا الوطن ضاع

 وأنته تعرف هالزمن ويّ الجبان ايروح مو ويّ الشجاع

 ولهذا يارفيقي دمك ودم كل شهيد بها الوطن ابرخص ضاع ..

 وين دمك ضاع ياكامل شياع ؟

منهو ينطينا جواب .. ؟

 و وين نسأل ؟

 أبيا حكومة ؟ .. أبيا وزارة .. أبيا رئاسة وبرلمان ؟

 والوشيعة ضايعة بين الطوايف , لازمان ولامكان !!

وحتى راس الخيط ضاع ..

 وين نسأل ؟

 ومنهو ينطينا الجواب بين كل هذا الخراب ؟

 والسؤال الليّ يظل ماله جواب

 يصير جمرة بالكًلب تجوي كلساع !

 ليش دمك ضاع ياكامل شياع ؟

وي دم الوطن ضاع ....

 

 زهير الدجيلي 18 أغسطس 2009

أضف إلى: Add to your del.icio.us del.icio.us | Digg this story Digg | Add to your del.icio.us face book

Subscribe to comments feed التعليقات (1 تعليقات سابقة):

عبدالجبار العراقي في 2010/03/13
avatar
اعتقد ان الموت كان خجولا عندما احتضن كامل شياع وكذالك كل ابرياء العراق الذين استشهدوا من جراء انتحار البهائم القدمون من ارض الرعيان امة العرب والدلة والفنجان
Thumbs Up Thumbs Down
1
المجموع: 1 | عرض: 1 - 1

هل ترغب بالتعليق على الموضوع ؟ (تعليقات القراء تعبر عن آراء اصحابها ولا تعبر عن رأي موقع صحيفة الجيران) comment

  • email أرسل إلى صديق
  • print نسخة للطباعة
  • Plain text نسخة نصية كاملة
قيم هذا المقال
5.00
avatar حنش في 2012/02/07
استدعاء سفرائها لدى دمشق وطرد السفراء السوريين ردا على تزايد العنف في سوريا . اما ما تقوم به اسرائيل ضد الفلسطنيين من اعمال وحشية ...
avatar ابو عبدالله في 2012/02/07
مشاء الله هذا الوزير حريص جدا على الوطن
avatar ابو ابراهيم اللامي في 2012/02/07
يعني نتكلم بالمنطق .. اذ كانت هذه التحليلات الصادره من البرلمان صحيحه . اذن اغلبيه مسؤولي الدوله مجرمين بحق شعبهم . واذ كانت غير صحيحه ...
avatar صلاح جلال الهاشمي / بغداد في 2012/02/06
يا جيران اقسم عليكم بمقدساتكم هل يوجد لدينا في العراق قضاء حتى نطلق عليهِ مسيس او مستقل؟؟؟ لدينا عصابات ومافيات منهم بأسم الدين ومنهم من ...
avatar زائر في 2012/02/06
وبشر القاتل بالقتل لو بعد حين
avatar وميض فرج في 2012/02/06
هنري كسنجر يقول الي يريده ولكن تبقى اراده الله فوق الجميع وهذا كلام احلام اذا نسي شي مهم وماتشاءون الا يشاء الله...فلا حرب ولا بطيخ ...
avatar ابو اراز في 2012/02/06
قال تعالى: بسم الله الرحمن الرحيم (قَاتِلُوهُمْ يُعَذِّبْهُمُ اللَّهُ بِأَيْدِيكُمْ وَيُخْزِهِمْ وَيَنصُرْكُمْ عَلَيْهِمْ وَيَشْفِ صُدُورَ قَوْمٍ مُّؤْمِنِينَ)(التوبة 14) صدق اللله العظيم